Joriy yilning 4-aprel sanasida “Genetika va evolyutsion biologiya” kafedrasi tomonidan “ZAMONAVIY BIOLOGIK TA'LIMDA ESHITDIM-KO'RDIM BAJARDIM tamoyili asosida individual yondashuv ” nomli amaliy-metodik tadbir namoyishi bo’lib o’tdi.

    Tadbirning 1-qismida Biologiya yo’nalishi talabalari tomonidan “Qon. Qon aylanish doirasi va qon guruhlari” mavzusida mahorat darsi namoyish etildi. Dars davomida talabalarning pedagogik amaliyot mobaynida foydalanib kelayotgan zamonaviy ilg’or pedagogik texnologiyalari orqali dars jarayonining barcha qismlari ochib berildi va “Men donorman” nomli tashabbus loyihasi barcha tomoshabinlar qalbida insonparlik hissini yanada kuchaytirdi.

     Tadbirning 2-qismi "Biologiya fanida individual tahlil va o’z-o’zini baholash" deb nomlanib, biologiya fanida nazariya va amaliyot uyg’unligi, zamonaviy biologiyaning kelajakdagi ko’rinishi talabalar nigohida yoritib berildi. Talaba yoshlar va magistrlarning olib borayotgan tadqiqot ishlari, kafedra to’garaklari orqali kasbga yo’naltirish maqsad etilgan loyihalar namoyish etildi.

     Tadbirning yakunlovchi bosqichida STEAM yondashuvini biologiya darslarida qo'llash imkoniyatlari va uni umumta’lim maktablarida joriy etilganligi, fanlararo integratsiya va yoshlarning kreativligini oshirish asosiy maqsad ekanligi ko’rsatib berildi.

     Bo’lib o’tgan tadbir nafaqat ta’lim doirasida individual yondashuvni, balki insonparvarlik tamoyillari, ezgulik g’oyalari, ma’naviy qadriyatlar ham aks etgan tadbir sifatida barcha tomoshabinlar qalbidan joy oldi. Ilm-fanga bo‘lgan qiziqish, amaliy tajriba, yosh tadqiqotchilarning ilk qadamlari - bularning barchasi ushbu tadbirda namoyon bo’ldi!