Chirchiq davlat pedagogika universiteti yoshlari O‘zbekiston fanlar akademiyasi akademigi, Tarix instituti direktori, professor Azamat Ziyo bilan uchrashdi. 

     Uchrashuvda yosh tarixshunos va bo‘lajak tarix o‘qituvchilari masalasiga doir bir qator taklif va tashabbuslar ilgari surildi. 

     «Turkiy dunyo sivilizasiyasida xalqlar birligi qudratli kuchga asos bo‘lishi hech kimga sir emas. Afsuski, uzoq yillar tarix haqiqatlari turli siyosiy maqsadlarga bo‘ysundirib kelindi. Endi tariximizda Amir Temur va Boyazid Yildirim shaxslariga oid ma’lum va noma’lum haqiqatlar yangi nigohda qayta kashf etiladi», — dedi akademik Azamat Ziyo.  

     Akademik o‘zi rahbarlik qilayotgan Tarix instituti va Chirchiq davlat pedagogika universiteti o‘rtasida samarali korporativ hamkorlikni rivojlantirish, qo‘lyozma fondlaridagi xorijiy tillardagi asarlardan ilmiy tadqiqot ishlarida foydanish masalalariga to‘xtalib o‘tdi. 

     Mehmonga ChDPU rektori, professor G‘ofurjon Muxamedov hamroxlik qildi.