?Chirchiq davlat pedagogika universitetida Belorus Respublikasining A.Kuleshov nomidagi Mogilev davlat universiteti bilan hamkorlikdagi qo’shma ta`lim dasturi asosida abituriyentlar uchun navbatdagi yangi qabul e`lon qilinmoqda!!!

?Bakalavriatura yo’nalishlari biologiya, boshlang’ich ta`lim hamda ona tili va adabiyoti (rus tili va adabiyoti);

?‍Magistraturada psixologiya mutaxassisligi bo’yicha tahsil olish imkoniyatlari mavjud.

✅ Dastur asosida talabalar uch yil Chirchiq davlat pedagogika universitetida, bir yil davomida A.Kuleshov nomidagi Mogilev davlat universiteti (Belorus Respublikasi)da tahsil oladi. Natijada dastur bitiruvchilariga qo’shaloq (2ta) diplom taqdim etiladi. Ushbu diplom sohiblari Mustaqil Hamdo’stlik Davlatlarining barcha hududlarida ishlash imkoniyatiga muyassar bo’ladi.

? O’qish jarayoni to’lov-shartnoma asosida tashkil etiladi. Ta`lim shakli kunduzgi bo’lib, zamonaviy innovatsion texnikalar bilan talab darajasida jihozlangan auditoriyalarda universitetlarning yetuk mutaxassislari tomonidan darslar rus tilida olib boriladi. O’qish jarayonlari doimiy ravishda ikki oliy ta`lim rektorlarining shaxsiy nazoratida bo’ladi.

? Kirish imtihonlari O’zbekiston Vazirlar Mahkamasi tomonidan 2021 yil 6 iyuldagi 421-sonli qarori bilan tasdiqlangan “O’zbekiston Respublikasi va xorijiy hamkor Oliy ta`lim tashkilotlarining Qo’shma ta`lim dasturlar asosida ta`lim faoliyatini tashkil etish tartibi to’g’risidagi nizom” talablariga muvofiq quyidagi ikki bosqichda bo’lib o’tadi.

• Birinchi bosqichda, hamkor oliy ta`lim muassasasi vakillari tomonidan onlayn formatida qisqacha ichki suhbat shaklida sinovdan o’tkaziladi.
• Ikkinchi bosqichda, O’zbekiston Respublikasi Oliy ta`lim, fan va innovatsiyalar vazirligi huzurligidagi Bilim va malakalarni baholash agentligi tomonidan test ko’rinishida chet tilidan (rus tilida) test o’tkaziladi va test natijalari asosida talabalikka tavsiya etiladi.

❗️Hujjatlar 2023 yil 7 avgustdan to 5 sentyabrgacha onlayn formatida qabul qilinadi.

Hurmatli abituriyentlar! Sizlar kelajakda universitet talabasi bo’lishingizni tilab qolamiz va har doim omad yor bo’lsin deymiz....

Murojat uchun telefonlar:

+ 998 97-782-00-76;

+ 998 99-484-79-46.   Kanalga ulanish: https://chdpu-mgu

Yuklab olish: Ariza namunasi