2024-yil 25-noyabr kuni O’zga tilli guruhlarda rus tili va adabiyoti ta`limi metodikasi kafedrasi tomonidan «4+2» konsepsiyasi doirasida maktabda zamonaviy ta’limga bag’ishlangan «Rus tilini o’qitishda zamonaviy texnologiyalar: yangi ufqlar» ilmiy-metodik tadbirini o’tkazdi.

     Tadbirdan koʻzlangan maqsad bilimlar olamiga chuqur va qiziqarli kirib borish uchun moʻljallangan yangi taʼlim modeli nuqtai nazaridan dolzarb masalalarni muhokama qilish va tajriba almashishdan iborat boʻldi.

     Tadbir davomida quyidagi texnologiyailar namoyish etildi: «OTSM-TRIZ - muammoli o’qitish orqali fikrlash va ijodkorlik» o’quv texnologiyasi; Genially, WordWall va LearningApps internet-platformalari negizida A.S.Pushkin ertaklari asosida yaratilgan interaktiv elektron ishlanmalar; QR-kodlardan foydalangan holda storitelling usuli; «Fonetik kviz» intellektual trening.

     Tadbir davomida namoyish etilgan barcha texnologiyalar maktab kelajagiga qaratilgan bo‘lib, ta’limni yanada qulayroq, interaktiv, o‘quvchilarga yo‘naltirilgan va samaraliroq qilish uchun mo‘ljallangan.