O‘zbekiston Respublikasi Vazirlar Mahkamasining “Oliy ta’lim tashkilotlarida talabalarga grantlarni taqdim etish va qayta taqsimlash tartibi to‘g‘risidagi nizomni tasdiqlash haqida” 2025-yil 10-martdagi 149-sonli qaroriga muvofiq Chirchiq davlat pedagogika universitetining 2025/2026 o‘quv yili uchun ajratilgan ta’lim granti bakalavriat ta’lim yo‘nalishi (magistratura mutaxassisligi), ta’lim tili va kurslar kesimida to‘liq ta’lim granti va to‘liq bo‘lmagan ta’lim grantiga ajratgan holda tasdiqlandi, bunda:
To‘liq ta’lim granti – bir o‘quv yili uchun berilib, o‘qitish harajati Davlat byudjetidan to‘liq qoplab beriladigan va umumiy tartibdagi stipendiya bilan ta’minlanadigan ta’lim granti;
To‘liq bo‘lmagan ta’lim granti – bir o‘quv yili uchun berilib, to‘lov-kontrakt summasining 50 foizi Davlat byudjetidan qoplab beriladigan va umumiy tartibdagi stipendiya bilan ta’minlanmaydigan ta’lim granti.
Ushbu qaror faqat 2024/2025 o‘quv yilida qabul qilingan talabalarga nisbatan tadbiq etiladi.